قصتي مع الحطب

موضوع: قصتي مع الحطب الخميس سبتمبر 20, 2007 11:23 am

--------------------------------------------------------------------------------

كنت انا ذاك كان عمري حوالي 15 سنة وهذي القصة حصلت في مدينة رنية التابعة لمحافظة الطائف المهم كنا في فصل الشتاء ومدينة رنية بطبيعتها مناخها صحراوي يعني في الصيف درجة حرارتها تصل احينا الا 50 درجة مئوية وفي الشتاء تصل درجة البرودة الا 4 درجات مؤوية المهم القصة هذي احصلت في الشتاء وفي عز البرد المهم قلت لازم اروح اجيب حطب من البر وكنت في حينها اتعلم اسوق السيارة يعني ماعرف اسوق زين المهم قلت لاخواني يالله اركبو بنروح نجيب حطب من البر وكان الوقت بعد صلاة العصر المهم مشينا مسافه طويلة مرة في البر وقلت لاخواني انزلو هنا في المكان هذا وجمعو حطب لين اجيكم المهم نزلتهم في المكان الي يمر فيه جدي اذا جاء من اباعره على الطريق وانا رحت ادور حطب لعلا وعسى القى اشجرة كبيرة تكفينا اسبوع المهم ابعدت عنهم مررره والشمس قربت على الغروب وكانت السيارة ددسن 85 مقربعة والنور مش حالك لمبة وحدة الي شغالة والباقي مكسر المهم غابت الشمس وحل الظلام وقلت ابي ارجع لاخواني طولت عليهم اخواني حظهم زين مرهم جدي وخذاهم وانا تورطت السيارة غرست في الرمل وياليل ماطولك المهم حاولت اطلعها مافيه فايدة المكان الي فيه انا كله اطعوس لازم جيب على شان يطلع السيارة المهم سمعت صوت ذيب أووووه وقلبي يرجف واركب السيارة بسرعة واقزز القزاز عاد ديرتنا تكثر فيها الذيابة المهم واسمع شي نط فوق السيارة واشوف الا هاك الذيب الي ذابحه الجوووع وشوي ينط الثاني لينه فوق الكبوت حق السيارة واضرب بوري طيييييط طيييييط ابيها تخاف ماحولك احد واشغل السيارة وادوس على البنزين بغيت افقع المكينة طبعا السيارة مغرسة في الرمل والكفر يدور على الفاضي المهم قلت وش اسوي ياربي ان جلست البرد بيذبحني وتعرفون ليل الشتاء طويييل قلت لازم اخلص نفسي منهم واخذ ماصورة حقت الكفر وانزل بسرعة مع الصراخ على شان اتشجع واخوف الذيابة وينط علي واحد منهم واضربه على راسة وهو يصيح المهم خافت الذيابة وانحاشت وامشي واغني بصوت عالي على شان مايطير قلبي من الخوف وامشي مسافة حوالي 10 كيلو والا واشوف هذيك النار الي بعيييد والمهم واتوجه لمها الين قربت منها المهم حصلت عجوز شابه نارها وتسوي قرصان واسلم عليهم وقلطتني العجوز الله يذكرها بالخير والله انها اجوديه وماقصرت وعشتني قرصان يحبها قلبك قالتلي العجوز من وينك جاي ياوليدي علمتها بالسالفة كلها قلت وين شايبكم قالت راح صوب السوق يجيب لنا اغراض وبيجي الحين قلت خير المهم رحت ابي اغسل ايدي من الوايت حقهم طبعا وايتهم ابعيد اشوي عن الخيمة وانا قاعد اغسل جتني بنتهم في عمري تقريبا ملقوووفة وراعية مشاكل تحب تتضارب مع الي كبرها وشايفها نفسهاوانا تراني ماني بعيد عنها فيني حقي قالت لي تطارحني انا سكت وقلت في خاطري ان قلت يالله مشكله اخاف يطب علينا احد وتصير مشكله عويصة وان قلت لا بتقول خايف مني المهم التفت يمين اشمال ماحولك احد قلت يالله ياهي قوية البنت يمكن بعد عشر دقايق طرحتها بعد جهد جهيد وانا فوقها طبعا ومثبنها واقولها ثاني مره لا عاد تتحديني قبل ماكمل كلامي ال والضربه الي على راسي طاخ طاخ انا قلت في خاطري هذا ابوها جانا مادريت الا انا صاحي من نومي ويقولي ابوي قم صل الفجر يالهيس الاربد. والقصة هذي طلعت كلها حلوم