غلطانه اللي تحب رجال

غـــلــ(ــطــ)ـــانه اللي تــــ(ــــحـــ)ـــب رجــــال



اليوم لكـ ثانـي مـع راحـة البـال
وانا بعـد همـي لـه اليـوم ثانـي..

اليـوم تاركنـي اناظـر بـالاطـلال
صورهـ ,, رساله ,,حلم ,,جرح واماني !

ليلي قضيتـه بيـن هـمٍ وغربـال
واقول في نفسي حبيبـي نسانـي!!

غنيت انا عقبكـ من الضيـق مـوال
يومكـ تسمـع للطـرب والاغانـي!!..

لي دمعةٍ من فوق الاوجـان تختـال
يومـكـ تلاعـب مترفـات المبانـي..



وبي عبرة منهـا المخاليـق تهتـال
ياعبرتـي لاتفضحينـي عشـانـي! :

ياعبرتي خلي لـكـ الصـدر منـزال
لاهوب بـكـ داري ولاهـوب عانـي!!

مشغول له في ترفة حالهـا حـال
ماهوب فاضـي لعبرتـي او جنانـي!!

في يوم واحد نستـه كـل الامـال!!
وش عاد لو يدري بشـوق غشانـي؟؟

ماهوب مثل اول هذاكـ الغـلا زال!!
عزاهـ كيـف الـود زال بثوانـي؟؟؟؟؟؟



اربع سنينٍ طوال ياكيف تنـزال؟؟
وتحط في قلبكـ هنـوف مكانـي؟؟!!..

ماكنت اظنكـ تجحـد الـود لا طـال!
اثركـ على طريـف وتبينـي اعانـي!

قد قالـوا ان البعـد والصـد قتـال
وانـا اشهـد انـه علـة بالمحانـي!!

يومي اشوفكـ لابس بشت وعقال!!!!
والشارب الاسـود وزول سبانـي..

وعروستكـ من الحيا ترخـي الشـال:
وترسل لها بسمـه تزيـد امتحانـي



دمعي بلا علمي على وجنتي سـال!!!!
اشتقت لـكـ ليتـكـ تحـس بحنانـي..

ليتكـ تشوف الحال يامتلـف الحـال!!
بس التفت لي شـوف شالله بلانـي..

نصيتها تضحـكـ لهـا لاهـيٍ سـال،،
واقـول ياليتـه حبيبـي نصانـي!!

الله يادنيـا التعاسـه والاهــوال،،
الله يستر وش يخبـي زمانـي.؟!!.



غلطانه اللـي تعشـق اليـوم رجـال

مهما حلـف بالـود يبقـى انانـي..

وقلب الرجل مابه من الحـب مثقـال!!
والبنـت ترفـه قلبـهـا مايـدانـي

حاولت اعبر والقلم في يـدي مـال،،
من هول مابي انعقـد بـي لسانـي